تحليل مباراة مصر Vs بلجيكا

كوبر من اسوء المدربين فى تاريخ الكرة مش بس فى تاريخ مصر .. واحد كان بيقعد رونالدو R9 متخيل هيعمل ايه مع اللعيبة بتاعتنا .. العيال نسيت الكرة من كتر الدفاع و مش عارفين نخرج بيها لما بنعمل اى هبش و نقطعها فى ملعبنا .. 5 ماتشات حتى مع الكويت اللى كانت مباراة اعتزال و اتحاد السبوبة ضحك علينا و قالك استعدادات كأس العالم معرفناش نكسبها .. استحواذ الفرق اللى بتلعب قدامنا بيبقى اضعافنا .. اكنهم بيتمرنوا علينا
2) الحضرى .. اكبر لاعب فى كأس العالم و الافضل فى الملعب من منتخبنا العره
3) عبد الشافى : مستواه بيزيد ماتش عن التانى و بيحاول يلعب كرة اكتر ما بيلوش
4) على جبر : لاعب ملوش لازمة فى الحياة .. تبقى بتلعب على لوكاكو و واقف سرحان !!! أ ب دفاع اللعب فى صدرك فى المنطقة دى و انت واقف قدامه زى الاهبل !! .. و الله حرام ايمن اشرف يقعد لخروف زيك !! .. حتى باتشواى مسح بيك ارض الملعب يا مهزء
5) احمد حجازى : خليك اخرس كده مبتتكلمش مع المدافعين حواليك و اجروا كلكم على نفس اللاعب و الثروهات تتعمل من وراكم زى المرهم .. انت خلاص لاعب كبير مش مدافع صغير تقف ساكت و العشوائية حواليك و انت ساكت !!!
6) احمد فتحى : من اسوء لاعيبة المنتخب فى فترة الاعداد بالكامل و يمكن كمان مع الاهلى فى الفترة الاخيرة … كل المنتخبات اللى بنلاعبها بتنزل تلعب ناحيتك .. حاجة مقرفة مبيلعبش بربع جنيه كرة .. ثروهات وترقيص و عرضيات من ناحية اليمين عندنا ولا اكن فيه لاعب اصلا ..
7) طارق حامد : ضرب و كرة كلها لورا مفيش ولا كرة لقدام .. و باصات مقطوعة اكتر من عدد الكرات اللى وصلت للمنتخب اصلا و حاجة عرة .. نقطة ضعف كبيرة للمنتخب
8 ) الننى : اداء عالى اوى اوى بالذات بعد الاصابة
9 ) عبد الله السعيد : تحسه نازل نفسه يلاقى كرة حقيقة و لعيبة بتتحرق و شغل كده علشان يعرف يلعب .. مش بيظهر غير بوجود صلاح للاسف
10) وردة : انت ايه اللى جابك هنا !! .. و الله اللعيبة اللى لم تنضم و اللى تم استبعادهم احسن منك 100 مرة !!
11) رمضان صبحى : انت نسيت الكرة و نسيت يعنى ايه تجيب جول .. مينفعش تلعب كأس عالم بالمستوى ده . احتياطى وش .. ده ناقص تضيع هدومك مش الهجامات دى
12) مروان محسن : ضحية كوبرعايزة محطة للهواء بيسند الكرة و اللعيبة بتضيعها .. مفيش صلاح و برضوا عايزة محطة !! لمين يا
13) الشناوى : احتياطى للحضرى تمام اوى اوى
14) تريزيجيه : متحرك و نشيط و بيلعب على الجول زى الفل .. بس اهدى .. اهدى .. اهدى ى ى ى ى ى ى ى ى ى
15) سام مرسى : و الله منهى الظلم انضمامك للمنتخب على حساب زيزو
16) كهرباء : احنا اصلا مش بنوصل .. كبر ده منزله ليه !!! … كهرباء بره ال 18 ملوش لازمة شغلة كله جوة ال 18 اللى احنا اصلا مش عارفين نوصله !!
17) المحمدى : مش حرام لاعب زى ده يلبس تيشيرت منتخب فى كاس العالم !!
18) عمر جابر : لاعب المجاملة .. ملوش اى لازمة مع المنتخب و مليون واحد كانوا هيبقوا افضل منه لكن ال TRS مبهدل المنتخب

1 Star2 Stars3 Stars4 Stars5 Stars (No Ratings Yet)
Loading...